By Oos-Rand Akademie heg ons groot waarde aan sosiale aktiwiteite wat ‘n gevoel van samehorigheid en gemeenskapgees onder ons leerders, ouers en personeel bevorder. Gedurende die jaar het ons verskeie spesiale geleenthede waarna almal met opgewondenheid uitsien.
Een van ons hoogtepunte op ons kalender is die jaarlikse kermis, waar leerders en hul gesinne ‘n dag van pret, speletjies, kosstalletjies en vermaak geniet. Hierdie geleentheid bring die gemeenskap bymekaar en dra ook by tot fondsinsameling vir die skool.
‘n Ander jaarlikse hoogtepunt is ons Damesoggend, waar ma’s, oumas en ander vroulike rolmodelle bederf word met inspirasie, heerlike verversings en spesiale optredes. Dit is ‘n elegante en betekenisvolle oggend wat vroue vier en waardeer.
Vir die Graad 12-leerders is die matriekafskeid ‘n glansryke aand vol styl, herinneringe en afskeid. Dit is ‘n spesiale geleentheid om hul skoolloopbaan waardig af te sluit.
Verder vier ons ook ons jaarlike verjaarsdagvieringe, waar die skool se stigting herdenk word, met ‘n gevoel van trots op hoe ver ons gekom het.
Hierdie spesiale geleenthede dra by tot ‘n gebalanseerde en vreugdevolle skoolervaring vir elke leerder en bou lewenslange herinneringe.